एफ डी आई सुंदरी..

एफ डी आई सुंदरी..

 निळ्या डोळ्यांची, सोनेरी केसांची च
३६-२४-३६ फिगर वाली, स्वर्गातली अप्सरा ती.


घेउनी कवेत त्याला म्हणाली ती कशी


स्वर्गातील अमुल्य डालर, वाहिन तुझ्या चरणी
पित्जा-बर्गर डॉमिनो स्पेशल, स्वादिष्ट अमृताहुनी
कोक पेप्सी स्वर्गातली, आणिली तुझ्यासाठीच.

सुंदर शोभेल माझा राजा घालुनी परिधान वालमार्टी.
फक्त सोपवा की तुमचे मेहनती हात-पाय मजपाशी.
तत्क्षणी त्याने सोपविले तिला, आपले हातपाय मेहनती.
डोळे बंद करुनी,बघू लागला स्वप्ने स्वर्ग सुखांची.



अचानक राक्षसी अट्टाहास आसमंतात गुंजला
नव्हती समोर अप्सरा, सापडला होता तो विळख्यात राक्षसी.
ओरडला, चीत्कारला, पण उपयोग नव्हता.
त्याचे रक्त प्राशन करून, ती राक्षसी
नव्या सावजाच्या शोधात, पुढे निघून गेली.

मित्रानो, दिसली तुम्हाला कधी
निळ्या डोळ्यांची, सोनेरी केसांची
३६-२४-३६ फिगर वाली, स्वर्गातली अप्सरा .
फसू नका तिच्या जाळ्यात,
स्वत:च्या हात पायांना गमवू नका.
सदा सावधान राहा, सावधान राहा.